Adani Ports Q4 Results : अदाणी ग्रुपच्या कंपनी अदाणी पोर्ट्स अँड स्पेशल इकॉनॉमिक झोन (APSEZ) ने गुरुवारी (1 मे) जानेवारी-मार्च 2025 तिमाहीचे निकाल जाहीर केले. अदाणी पोर्ट्सने आर्थिक निकालांसह लाभांशाची (डिव्हिडेंड)ही शिफारस केली आहे.
अदाणी पोर्ट्सने बीएसई फाईलिंगमध्ये सांगितले की, मार्च तिमाहीत एकत्रित निव्वळ नफा वार्षिक आधारावर 48 टक्क्यांनी वाढून 3,014 कोटी रुपये झाला. तर मागील वर्षीच्या या तिमाहीत हा नफा 2,040 कोटी रुपये होता. उत्पन्न आणि महसुलात वाढ झाल्यामुळे कंपनीचा नफा वाढला आहे. शिवाय कंपनीच्या ऑपरेशन्समधून महसूल मागील आर्थिक वर्षाच्या चौथ्या तिमाहीत 8,488 कोटी रुपयांवर पोहोचला आहे. हा महसूल डिसेंबर तिमाहीतील 6,897 कोटी रुपयांच्या महसुलापेक्षा 23 टक्के जास्त आहे.
Adani Ports डिव्हिडेंड
अदाणी ग्रुपच्या कंपनीने मार्च तिमाहीच्या निकालांसह डिव्हिडेंड जाहीर केला आहे. अदाणी पोर्ट्सने प्रत्येक शेअरवर 7 रुपये डिव्हिडेंड जाहीर केला आहे. कंपनीने म्हटले आहे, “बोर्डने आर्थिक वर्ष 2024-25 साठी 2 रुपयांच्या फेस व्हॅल्यू असलेल्या प्रत्येक शेअरवर 7 रुपये (350%) डिव्हिडेंड देण्याची शिफारस केली आहे. ही शिफारस वार्षिक सर्वसाधारण सभेत (AGM) शेअरधारकांच्या मंजुरीस अधीन आहे.”
Adani Ports डिव्हिडेंड रेकॉर्ड दिनांक
अदाणी पोर्ट्स अँड स्पेशल इकॉनॉमिक झोनने डिव्हिडेंड मिळवण्यासाठी पात्र शेअरहोल्डर्सची अंतिम यादी ठरविण्याकरिता रेकॉर्ड दिनांक जाहीर केला आहे. कंपनीने आपल्या लाभांशासाठी रेकॉर्ड दिनांक शुक्रवार, 13 जून 2025 निश्चित केली आहे.
Adani Ports अपेक्षेपेक्षा चांगले निकाल
अदाणी पोर्ट्सच्या चौथ्या तिमाहीचे निकाल अंदाजांपेक्षा चांगले आले आहेत. बांधकाम कार्यासाठी सिझनल मजबूत तिमाहीत मालवाहतुकीच्या प्रमाणात वाढ झाली. देशातील सर्वात मोठ्या खाजगी बंदर ऑपरेटरचा मार्च तिमाहीतील नफा 3,014 कोटी रुपये होता. हा विश्लेषकांच्या सरासरी अंदाज 2,571 कोटी रुपयांपेक्षा जास्त आहे.
Disclaimer: येथे दिलेली माहिती केवळ माहितीसाठी आहे. येथे हे लक्षात घेणे महत्वाचे आहे की बाजारातील गुंतवणूक बाजारातील जोखमीच्या अधीन आहे. गुंतवणूकदार म्हणून पैसे गुंतवण्यापूर्वी नेहमी तज्ञांचा सल्ला घ्या. इनमराठीन्युज कधीही कोणालाही येथे पैसे गुंतवण्याचा सल्ला देत नाही. रोजच्या नवीन अपडेट मिळवण्यासाठी आपला व्हॉट्स ॲप ग्रुप जॉईन करू शकता. व्हॉट्स ॲप ग्रुप इनमराठीन्युज.
हे पण वाचा :- Vedanta Share । 118% नफा वाढला, निकालानंतर 45% तेजीसाठी तयार हे मेटल स्टॉक; डिविडेंडच्या बाबतीतही अव्वल
