RBI Penalty on SBI: रिझर्व्ह बँक ऑफ इंडियाने (RBI) नियमांचे उल्लंघन करणाऱ्या बँका आणि एनबीएफसींवर वेळोवेळी दंडात्मक कारवाई केली आहे. काही दिवसांपूर्वीच आरबीआयने इंडियन बँकवर दंडात्मक कारवाई केली होती. त्याच संदर्भातली ही बातमी आहे की या वेळी रिझर्व्ह बँकने देशातील सर्वात मोठ्या सार्वजनिक क्षेत्रातील बँक स्टेट बँक ऑफ इंडियावर (SBI) आणि जन स्मॉल फायनान्स बँकवर नियमांचे उल्लंघन केल्याबद्दल दंड ठोठावला आहे. या बँकांविरुद्ध ही कारवाई काही त्रुटींमुळे करण्यात आली आहे.
SBI वर 1.72 कोटी रुपयांचा दंड
आरबीआयने या वेळी SBI वर 1,72,80,000 रुपयांचा दंड ठोठावला आहे. यापूर्वीही केंद्रीय बँकेने SBI वर दंडात्मक कारवाई केली आहे. यावेळीही SBI वर हा दंड काही नियमांचे उल्लंघन केल्यामुळे लावण्यात आला आहे. यात ‘कर्जे आणि आगाऊ – कायदेशीर व इतर निर्बंध’ (Loans and Advances-Statutory and Other Restrictions), ‘ग्राहक संरक्षण – अनधिकृत इलेक्ट्रॉनिक बँकिंग व्यवहारांतील ग्राहकांची जबाबदारी मर्यादित करणे’ (Customer Protection – Limiting Liability of Customers in Unauthorised Electronic Banking Transactions), आणि ‘बँकांनी चालू खाते उघडणे – शिस्तीची गरज’ (Opening of Current Accounts by Banks – Need for Discipline) यांचा समावेश आहे.
नियमांचे उल्लंघन केल्याबद्दल दंड
आरबीआयने स्पष्ट केले आहे की हा दंड नियमांचे पालन न केल्यामुळे लावण्यात आला आहे, बँकेच्या ग्राहकांशी केलेल्या व्यवहार किंवा कराराच्या वैधतेवर प्रश्न उपस्थित करण्यासाठी नाही. याशिवाय, आरबीआयने जन स्मॉल फायनान्स बँकवर (Jana Small Finance Bank Ltd) देखील 1 कोटी रुपयांचा दंड ठोठावला आहे. हा दंड बँकिंग नियमन अधिनियम, 1949 च्या नियमांचे उल्लंघन केल्याबद्दल लावण्यात आला आहे. आरबीआयने स्पष्ट केले की ही कारवाईही नियमांचे पालन न केल्यामुळे करण्यात आली आहे.
ग्राहकांवर काय परिणाम होणार?
दोन्ही प्रकरणांत आरबीआयने सांगितले की दंड बँकांच्या त्रुटींवर आधारित आहे. रिझर्व्ह बँकने नियमांचे काटेकोर पालन करण्यासाठीही सुचना दिली आहे. ही कारवाई बँकांना नियमांचे पालन करण्यास आणि सावधगिरी बाळगण्यास प्रवृत्त करते. लक्षात घेण्यासारखे म्हणजे आरबीआयने अशा प्रकारच्या दंडात्मक कारवाई वेळोवेळी केली आहे. अशा कारवाईचा ग्राहकांवर कोणताही परिणाम होत नाही. बँकिंग सेवा आणि ग्राहकांना मिळणाऱ्या सुविधा पूर्वीसारख्या सुरु राहतील.
हे पण वाचा :- Post Office FD | बंपर रिटर्नसाठी पोस्ट ऑफिस स्कीम सर्वोत्तम! गॅरंटीबद्ध कमाई, कॅल्क्युलेशन समजून घ्या
