Vivo Y400 Pro Launch Date: Vivo लवकरच भारतीय बाजारात नवीन स्मार्टफोन लॉन्च करत आहे. कंपनी आपल्या Vivo Y400 सीरिजमध्ये Vivo Y400 Pro लॉन्च करणार आहे. ब्रँडचा नवीन फोन 20 जून रोजी लॉन्च होणार असून, तो गेल्या वर्षी आलेल्या Vivo Y300चा उत्तराधिकारी असेल. कंपनीने या फोनचा टीझरही जारी केला आहे.
टीझरनुसार, फोनमध्ये ड्युअल रिअर कॅमेरा सेटअप असेल. कंपनी म्हणते की हा स्मार्टफोन सर्वात स्लिम 3D कर्व्ड डिस्प्ले असलेला फोन असेल. स्मार्टफोनशी संबंधित अनेक माहिती लीक झाली आहे. हा फोन आकर्षक फिचर्ससह येणार आहे. चला तर मग, या फिचर्सबद्दल जाणून घेऊया.
Vivo Y400 Pro फिचर्स काय असू शकतात?
Vivo Y400 Pro मध्ये 6.77 इंचाचा FHD+ AMOLED डिस्प्ले असेल, जो 120Hz रिफ्रेश रेटसह येईल. स्क्रीनची पीक ब्राइटनेस 4500 निट्सपर्यंत जाऊ शकते. स्मार्टफोन MediaTek Dimensity 7300 प्रोसेसरसह लॉन्च होऊ शकतो. फोनमध्ये 8GB RAM आणि 128GB / 256GB स्टोरेजचा पर्याय मिळेल.
शिवाय, फोनमध्ये 8GB वर्च्युअल RAMचा पर्यायही असेल, जो परफॉर्मन्स सुधारण्यात मदत करेल. स्मार्टफोनमध्ये 50MP Sony IMX882 लेंस असलेला प्रायमरी कॅमेरा असेल. त्याशिवाय 2MP सेकंडरी कॅमेरा मिळेल. फोन ऑरा लाइटसह येईल. तर फ्रंट कॅमेरासाठी कंपनी 32MP सेल्फी कॅमेरा देऊ शकते. फोनला पॉवर देण्यासाठी 5500mAh बॅटरी आणि 90W फास्ट चार्जिंग मिळणार आहे.
हा स्मार्टफोन कंपनीच्या अधिकृत संकेतस्थळ vivo.com सोबत Flipkart आणि Amazon.in वर उपलब्ध होणार आहे. मात्र, याची किंमत अजून जाहीर केलेली नाही. अंदाज आहे की कंपनी हा फोन 20 हजार रुपयांच्या बजेटमध्ये लॉन्च करू शकते. किंमतीची अधिकृत माहिती 20 जून रोजी मिळेल.
हे पण वाचा :- Lava ने लॉन्च केले दोन नवीन स्मार्टफोन, किंमत 10 हजार रुपयांपेक्षा कमी, दमदार वैशिष्ट्यांसह
