Flax Seeds Benefits: आरोग्यासाठी जवस खाण्याचे फायदे अनेक आहेत. यामध्ये अनेक प्रकारचे औषधी गुणधर्म असतात. जवसमध्ये फायबर, कार्ब्स, प्रोटीन, कॉपर, मॅग्नेशियम, मॅंगनीज आणि झिंक यासारखे अनेक पोषक घटक असतात. जे आरोग्यासाठी खूप फायदेशीर असतात. जवस महिलांसाठीही खूपच फायदेशीर आहे. आज आपण या लेखामधून महिलांसाठी जवस खाण्याचे फायदे जाणून घेणार आहोत.
जवस खाण्याचे फायदे (Flax Seeds Benefits)
मासिक पाळीचा कालावधी ठीक करते: बीबॉडीवाइज मध्ये प्रकाशित केलेल्या एका बातमीनुसार जवसच्या बिया महिलांना ओव्हुलेशन आणि मासिक पाळी दरम्यानचा कालावधी दरम्यान सामान्य ठेवण्यास मदत करतात. हे गर्भधारणेची शक्यता वाढवून महिलांना प्रजननक्षमतेमध्ये देखील मदत करते. जवसच्या बिया हार्मोनल संतुलन राखण्यासही मदत करतात.
केस आणि त्वचेसाठी उपयुक्त: जवसच्या बिया केस आणि त्वचेसाठी खूपच फायदेशीर आहे. जवसमध्ये मोठ्या प्रमाणात व्हिटॅमिन ई असते. जवसचे तेल टाळू आणि केसांना लावल्याने केस मजबूत होतात आणि त्यांची वाढ चांगली होते. त्याचबरोबर जवसच्या बियांचे जेल केस आणि त्वचेसाठी फायदेशीर असते. केस धुण्याच्या 1 तास अगोदर तुम्ही केसांना जवसचे तेल लावावे आणि नंतर धुवावे. हे केसांची आणि चेहऱ्याची चमक वाढवण्यासाठी मदत करते.
बद्धकोष्ठता दूर करण्यासाठी फायदेशीर: भिवलेले जवसमध्ये फायबर मोठ्या प्रमाणात असते. हे बद्धकोष्ठता दूर करण्यासाठी खूपच फायदेशीर असते. भाजलेल्या जवसचे पावडर रात्रभर पाण्यामध्ये भिजवून ठेवावे आणि सकाळी उठून त्याचे सेवन करावे.
वजन कमी करते: जवस खाल्ल्याने वजन कमी होण्यास मदत मिळते. हे ओमेगा फॅट्स आणि फायबरचा उच्च स्रोत आहे. पोषक तत्वांचे योग्य शोषण करण्यासाठी, जवसच्या बियांच्या पावडरचे सेवन करणे खूपच चांगले मानले जाते.
हृदय निरोगी ठेवते: जवसच्या बियांचे (Flax Seeds) सेवन केल्याने हृदय निरोगी राहते आणि हृदयाचे आरोग्य सुधारते. यासाठी तुम्ही जवस बारीक करून पाण्यामध्ये मिसळून प्यावी. जवसच्या बियांचे पाणी सकाळी सेवन केल्याने आरोग्यासाठी चांगले फायदे मिळतात.
हेही वाचा: जेवणानंतर ताक पिण्याचे फायदे, छान-गोडसर चवीचं ताक प्या आणि तब्येतीच्या तक्रारी टाळा