Honda Rebel 500 Price & Features: होंडा मोटरसायकल अँड स्कूटर इंडिया (HMSI) ने आज भारतीय बाजारात आपली नवीन मोटरसायकल रेबेल 500 (Rebel 500) अधिकृतपणे विक्रीसाठी लाँच केली आहे. या नवीन क्रूझर मोटरसायकलची बुकिंग आता निवडक बिगविंग टॉपलाइन डीलरशिपवर सुरू झाली आहे. आकर्षक डिझाइन आणि दमदार इंजिनने सजलेली नवीन होंडा रेबेल 500 ची सुरुवातीची किंमत 5.12 लाख रुपये, एक्स-शोरूम गुरुग्राम (हरियाणा) ठरवण्यात आली आहे.
फक्त या शहरांमध्ये मिळेल बाइक:
ही बाइक विशेषतः गुरुग्राम, मुंबई आणि बेंगळुरू मध्ये उपलब्ध होईल, ज्याची डिलिव्हरी जून 2025 पासून सुरू होईल. Rebel 500 कंपनीकडून पूर्ण बिल्ट-युनिट (CBU) मार्गाने भारतात आयात केली जात आहे. आयात शुल्कामुळे तिची किंमत वाढली आहे. मात्र, ही किंमत तरीही तिच्या स्पर्धक मॉडेल्स कावासाकी एलिमिनेटर 500 पेक्षा 64,000 रुपये आणि NX500 पेक्षा 78,000 रुपये कमी आहे.
Honda Rebel 500 शक्ती आणि कामगिरी:
रेबेल 500 मध्ये कंपनीने 471 सीसी क्षमतेचे इनलाइन-2, लिक्विड-कूल्ड इंजिन दिले आहे. हे इंजिन 46 एचपी पॉवर आणि 43.3 न्यूटन मीटर (Nm) टॉर्क निर्माण करते. या इंजिनला 6-स्पीड गियरबॉक्स जोडले गेले आहे. या बाइकच्या पुढच्या बाजूला 130 सेक्शन मोठा टायर वापरला आहे तर मागच्या बाजूला 150 सेक्शन टायर आहे. दोन्ही बाजूंना 16 इंचाचे चाक दिले गेले आहेत.
Honda Rebel 500 बाइकचे हार्डवेअर:
ड्युअल चैनल अँटी लॉक ब्रेकिंग सिस्टम (ABS) असलेल्या या बाइकमध्ये निगेटिव्ह LCD डिस्प्ले आहे. रेबेल 500 मध्ये ट्यूबलर स्टील फ्रेम असून त्याची सीट उंची 690 मिमी आहे. बाइकच्या आकारानुसार तुलनेत लहान (11.2 लिटर) फ्यूल टँक दिला आहे. या बाइकचे एकूण वजन 195 किग्रॅ आहे.
ब्लॅक आउट थीमने सजलेली ही क्रूझर मोटरसायकल, रुंद फॉर्क सस्पेंशन, कास्ट अॅल्युमिनियम व्हील्स, स्लिपर क्लच असिस्ट, डाय कास्ट अॅल्युमिनियम सब-फ्रेम आणि नवीन डिझाइन फेंडर यांनी सुसज्ज आहे. कंपनीचा दावा आहे की या बाइकसाठी अनेक अधिकृत अॅक्सेसरीज देखील उपलब्ध आहेत ज्या बाइकच्या लूक आणि कामगिरीत आणखी सुधारणा करतात.
हे पण वाचा :- Honda CB650R बिना क्लच वापरता गियर बदला! देशात लॉन्च झालेली E-Clutch असलेली दमदार बाइक, किंमत आहे एवढी
