POCO F7 5G Price : POCO ने भारतात 7550mAh दमदार बॅटरी असलेला गेमिंग फोन लॉन्च केला आहे. हा फोन POCO ब्रँडचा आतपर्यंतचा सर्वात मोठा बॅटरी असलेला फोन आहे आणि तो भारतासह जागतिक बाजारपेठेत सादर करण्यात आला आहे. हा फोन गेल्या वर्षी लॉन्च झालेल्या POCO F6 5G चा अपग्रेड वर्जन आहे. गेल्या वर्षी हा फोन कंपनीने 29,999 रुपयांच्या सुरुवातीच्या किमतीत लॉन्च केला होता. POCO F7 5G हा चीनमध्ये लॉन्च झालेल्या Redmi Turbo 4 चा रीब्रँडेड व्हर्जन आहे आणि त्याचे अनेक फीचर्स Redmi Turbo 4 शी जुळतात.
POCO F7 5G ची किंमत
हा फोन दोन स्टोरेज व्हेरिएंट्समध्ये उपलब्ध आहे – 12GB रॅम + 256GB आणि 12GB रॅम + 512GB. या फोनची सुरुवातीची किंमत 31,999 रुपये आहे, तर टॉप व्हेरिएंटची किंमत 33,999 रुपये आहे. ई-कॉमर्स वेबसाइट फ्लिपकार्टवर हा फोन 1 जुलैपासून विक्रीस उपलब्ध होणार आहे. फोन खरेदीवर 2,000 रुपयांपर्यंतचा बँक डिस्काउंट ऑफर देण्यात येत आहे. या फोनची प्री-बुकिंग आजपासून सुरू झाली आहे. POCO F7 5G तीन रंगांमध्ये उपलब्ध आहे – Forst White, Cyber Silver Edition आणि Phantom Black.
| Poco F7 5G | किंमत |
| 12GB रॅम + 256GB | 31,999 रुपये |
| 12GB रॅम + 512GB | 33,999 रुपये |
POCO F7 5G चे फीचर्स
हा लेटेस्ट गेमिंग स्मार्टफोन Qualcomm Snapdragon 8s Gen 4 प्रोसेसरवर कार्य करतो. यात 12GB LPDDR5X रॅम आणि 512GB पर्यंत UFS 4.1 स्टोरेज आहे. फोनमध्ये 6000mm2 वेपर चेंबर कूलिंग फीचर असलेले आहे, ज्यामुळे मल्टीटास्किंग आणि गेमिंग करताना फोन गरम होत नाही. या फोनची रॅम 12GB पर्यंत वर्च्युअली वाढवता येते.
हा स्मार्टफोन Android 15 वर आधारित Xiaomi HyperOS 2 वर चालतो. कंपनी या फोनसाठी 4 वर्षे OS आणि 6 वर्षे सिक्योरिटी अपडेट्सची हमी देते. फोनला IP66, IP68 आणि IP69 रेटिंग मिळाली आहे, ज्यामुळे तो पाण्यात बुडवला तरी आणि धूळ-मिट्टीमध्येही खराब होत नाही. फोनची जाडी 7.98 मिमी आणि वजन 222 ग्रॅम आहे. कनेक्टिव्हिटीसाठी यात लेटेस्ट WiFi 7 आणि ब्लूटूथ 6 आहे.
या फोनच्या मागील बाजूला ड्युअल कॅमेरा सेटअप आहे, ज्यात 50MP मुख्य आणि 8MP सेकंडरी कॅमेरा आहे. सेल्फी आणि व्हिडिओ कॉलसाठी 20MPचा कॅमेरा दिला आहे. फोनमध्ये 7550mAh दमदार बॅटरी असून 90W USB Type-C फास्ट चार्जिंगला सपोर्ट आहे. तसेच 22.5W रिव्हर्स फास्ट चार्जिंग फीचरही आहे.
POCO F7 5G मध्ये 6.83 इंचाचा 1.5K AMOLED डिस्प्ले आहे. यात HDR10+ आणि 3200 निट्स पर्यंत पीक ब्राइटनेसला सपोर्ट मिळतो. डिस्प्ले 120Hz रिफ्रेश रेटला सपोर्ट करतो. फोनमध्ये इन-डिस्प्ले फिंगरप्रिंट सेन्सर आणि कॉर्निंग गोरिल्ला ग्लास 7 प्रोटेक्शनही आहे.
हे पण वाचा :- Vivo T4 Lite 5G भारतात लाँच, 9,999 रुपयांपासून सुरूवातीची किंमत, मिळतील हे दमदार फीचर्स
