Turmeric in milk: तुम्ही नेहमीच लहानपणापासून दूधाचे फायदे ऐकले असणार. दूध फक्त कॅल्शियमच नव्हे तर प्रोटीन, व्हिटॅमिन्स आणि अनेक पोषक घटकांनी परिपूर्ण असते, जे शरीराच्या वाढीसोबतच हाडे, स्नायूंची ताकद आणि त्वचेसाठी फायदेशीर असतात. म्हणून प्रत्येकाने नित्यनेमाने दूध पिणे आवश्यक आहे.
आता जर तुम्ही दूधात एक चिमूटभर शुद्ध हळद मिसळून घेतली, तर त्यातून तुम्हाला अनेक आरोग्यदायी लाभ मिळतील. हळदीत अँटीऑक्सिडंट्स आणि अँटी-इन्फ्लेमेटरी गुणधर्म असतात, जे शरीराला संसर्ग आणि सूज यांपासून बचावतात. हळदयुक्त दूध रोगप्रतिकारक शक्ती वाढवते, हाडांना बळकटी देते, पचन सुधारते आणि सर्दी-खोकल्याला आराम देते. खाली आपण दूधात हळद मिसळून पिण्याचे फायदे पाहूयात:
१- हळदीत पचन सुधारणारे गुण असतात, ज्यामुळे पचनशक्ती बळकट होते आणि बद्धकोष्ठता, गॅस, अपचन व पोट फुगण्याच्या त्रासातून आराम मिळतो.
२- हळद अँटी-इन्फ्लेमेटरी असल्यामुळे आणि दूध शरीराला ताकद देणारे असल्यामुळे या दोघांचा एकत्रित उपयोग तुमची रोगप्रतिकारक क्षमता वाढवतो तसेच सर्दी, ताप व खोकल्याच्या लक्षणांना कमी करतो.
३- हळद शरीरातल्या विषारी घटकांना बाहेर काढण्यास मदत करते, त्यामुळे दूध-हळदीचा नियमित सेवन शरीर निरोगी ठेवण्यास उपयुक्त ठरतो.
४- हळदीत भरपूर अँटीऑक्सिडंट्स असल्याने ती फ्री रेडिकल्समुळे होणाऱ्या हानीपासून त्वचेला संरक्षण देते, ज्यामुळे त्वचा दीर्घकाळ तरुण आणि टाइट राहते.
५- तुम्हाला कदाचित आश्चर्य वाटेल, पण रात्री हळदयुक्त दूध प्यायल्याने केवळ झोप सुधारत नाही तर मूडही सुधारतो. हळदयुक्त दूध मेंदूला शांत ठेवते आणि तुम्हाला आरामात झोप येण्यास मदत करते.
हे पण वाचा :- Weight Loss Seeds | वजन कमी करण्यासाठी आहारात या ४ बियांचा समावेश करा, वजन लवकर कमी होऊ शकते
